बागमती प्रदेश सरकार
आन्तरिक मामिला तथा कानून मन्त्रालय
सञ्चार रजिष्ट्रारको कार्यालय
बागमती प्रदेश, हेटौडा , मकवानपुर
|
|
नेपालको संविधान २०७२ बमोजिम प्रदेशसभाले बनाएको प्रदेश सञ्चार माध्यम व्यवस्थापन ऐन २०७५ बमोजिम स्थापित सञ्चार रजिष्ट्रारको कार्यालय बागमती प्रदेशमा अवस्थित छ । बिचार र अभिव्यक्तिको स्वतन्त्रता तथा सञ्चार एवं सूचनाको हक संरक्षण, सम्बर्धन गर्नको लागि प्रदेश भित्रका बिभिन्न भाषा,साहित्य,कला र संस्कृतिको उत्थान तथा प्रबर्धनमा सहयोग पुरयाउन सञ्चार माध्यमको अनुमति दिने, नविकरण गर्ने र नियमन गर्ने अधिकार प्रदेश सञ्चार माध्यम व्यवस्थापन ऐन २०७५ ले सञ्चार रजिष्ट्रारको कार्यालयलाई जिम्मेवारी दिएको छ । प्रदेश सञ्चार माध्यम व्यवस्थापन नियमावली २०७६ ले पनि यस कार्यालयलाई जिम्मेवारी दिएको छ । प्रदेशको राजधानी हेटौडा र काठमाडौ उपत्यका कार्यालय ललितपुरको जावलाखेलमा रहेको छ । यी दुवै कार्यालयबाट सेवाग्राहीले यस कार्यालयबाट सेवा लिन सक्छन् । १०० वाट भन्दा माथि १००० वाट क्षमताका एफ एम रेडियो, केवलमा आधारित टेलिभिजन, अनलाइन सञ्चार माध्यम, पत्रकार परिचयपत्र दिने र नविकरण गर्ने काम यस कार्यालयबाट हुन्छ । पत्रकार, रेडियो प्राविधिक र व्यवस्थापकको क्षमता बिकासको कार्यक्रम पनि यस कार्यालयबाट सञ्चालन हुने गर्छ ।
